Hwyl y Gaeaf: Gweithgareddau Gaeaf i’r Rhai Bach

Gall tywydd oerach a diwrnodau byrrach fod yn heriol gyda llai o amser yn yr awyr agored, a all arwain at fwy o amser sgrin a llai o gyfleoedd i symud. Gall treulio amser gyda’n gilydd dan do drwy weithgareddau syml fel coginio, chwarae synhwyraidd a symudiadau ysgafn helpu i gefnogi dysgu a datblygiad plant yn ystod misoedd y gaeaf a gall fod yn ffordd dda o dreulio eiliadau pwysig gyda’n gilydd fel teulu.

Gadewch i ni archwilio rhai o hoff ffyrdd Tîm NYLO o wneud yr eiliadau hynny’n llawer o hwyl.

Gweithgaredd

Addurniadau Toes Halen

Salt dough is an easy sensory activity that allows childreMae toes halen yn weithgaredd synhwyraidd hawdd sy’n caniatáu i blant archwilio gwahanol weadau wrth ddefnyddio eu dwylo.

Gyda’r toes halen hwn, gallwch chi wneud addurniadau i’w hongian.

Yr hyn sydd ei angen arnoch:

• Blawd plaen – 250g

• Halen Bwrdd – 125g

• Dŵr cynnes – 100ml

• Papur pobi

• Rholbren

• Torwyr cwcis

• Llwy

• Paent a brwsh (dewisol)

• Rhubanau

Sut i’w wneud:

• Cynheswch y ffwrn ymlaen llaw i 100°C.
• Cymysgwch y blawd a’r halen gyda’i gilydd mewn powlen fawr gan ddefnyddio llwy.

• Ychwanegwch ddŵr cynnes yn araf bach, gan droi nes bod y cymysgedd yn dod anodd ei droi.
• Yna, defnyddiwch eich dwylo i ddod â’r toes at ei gilydd a’i dylino’n ysgafn nes ei fod yn llyfn.

• Rholiwch y toes rhwng dwy ddalen o bapur pobi.
• Torrwch y toes i wahanol siapiau gan ddefnyddio torwyr cwcis.

Awgrym Da! Anogwch eich plant i archwilio patrymau trwy wasgu gwrthrychau i wyneb y toes neu ddefnyddio brwsh. Mae rhai enghreifftiau’n cynnwys dail sych o’r tu allan, croen oren neu sbwng.

• Defnyddiwch welltyn neu ddeintbig i wneud twll bach, y gall y rhuban fynd drwyddo ar ôl iddo fod yn y popty.
• Rhowch y papur pobi gyda’r toes wedi’i siapio yn y popty. Pobwch nes bod y toes yn gadarn, tua 2–3 awr. Gwiriwch bob hyn a hyn, ac unwaith y bydd y toes wedi caledu, tynnwch ef o’r popty.

• Gadewch iddo oeri’n llwyr ac yna ei beintio.
• Clymwch rubanau i’ch darnau addurnedig a’u hongian neu eu harddangos ar eich waliau.

Gall plant gymryd rhan drwy dywallt, cymysgu, rholio a siapio’r toes. Mae siarad am sut mae’r toes yn teimlo a beth mae plant yn ei wneud yn cefnogi cyfathrebu a dysgu trwy chwarae.

Nodyn atgoffa diogelwch:

• Ni ddylech fwyta toes halen.

• Dylid goruchwylio plant yn agos.

• Golchwch eich dwylo ar ôl y gweithgaredd.

---

Coginio

Peli Troed Rhewllyd

Gall paratoi byrbrydau syml gyda’ch gilydd helpu plant i deimlo’n fwy hyderus o amgylch bwyd wrth ddatblygu sgiliau echddygol manwl. Mae’r rysáit heb goginio hon yn ffordd wych o gynnwys eich plant wrth baratoi bwyd ac archwilio gweadau gwlypach.

Rcofiwch aros gyda’ch rhai bach bob amser pan fyddan nhw’n bwyta.

Cynhwysion

• 80g o geirch

• 1 banana aeddfed

• 2 lwy fwrdd o fenyn cnau daear

• 1-½ llwy de o sinamon mâl

Beth i’w wneud

1. Helpwch eich un bach i stwnsio’r banana mewn powlen nes ei fod yn llyfn gan ddefnyddio fforc.
2. Ychwanegwch geirch, menyn cnau daear a sinamon mâl i’r bowlen – gall y rhai bach helpu i fesur ac arllwys.
3. Anogwch eich un bach i gymysgu popeth gyda’i gilydd nes ei fod wedi’i gyfuno’n dda.
4. Gan ddefnyddio llwy, sgwpiwch symiau bach o’r gymysgedd allan o’r bowlen a’i rolio’n beli.
5. Oerwch am o leiaf awr cyn ei weini.

---

Gadewch i ni fynd yn gorfforol!

Ymestyn i gael gwared ar yr oerfel

Mae symudiadau ysgafn yn helpu plant i aros yn egnïol dan do ac yn cefnogi cydbwysedd, hyblygrwydd ac ymwybyddiaeth o’r corff.

Oeddech chi’n gwybod?

HMae cael ymwybyddiaeth dda o’r corff yn bwysig mewn plant i gefnogi eu datblygiad a’u hiechyd cyffredinol wrth iddynt dyfu. Gall eu helpu i ddysgu chwarae’n hyderus yn y gofod o’u cwmpas.

Rhowch gynnig ar ymestyniadau syml gyda’ch gilydd. Cadwch symudiadau’n hamddenol ac yn chwareus, gan ganiatáu i blant symud ar eu cyflymder eu hunain.

Stretching tall liYmestyn yn dal fel coeden

Safwch yn syth fel coeden fawr, gref! Dewiswch fan i edrych arno a nawr codwch eich breichiau yn uchel fel gyddfau jiraff yn ymestyn am y dail.

Yn barod am her?
Codwch un goes a phlygwch eich coes arall a rhowch eich troed yn ysgafn ar du mewn eich coes sefyll.

---

GCyffyrddiadau ysgafn â’r bysedd traed

Safwch yn syth ac yn gadarn. Nawr plygwch ymlaen yn araf a cheisiwch gyffwrdd â’ch bysedd traed â’ch dwylo.

Allwch chi gyrraedd nhw? Os yw’n anodd, plygwch eich pengliniau ac yna rhowch gynnig arni. Gallwch chi wneud hyn wrth eistedd hefyd!

---

Ymestyn fel ci sy’n wynebu i lawr

Ewch ar eich dwylo a’ch pengliniau. Gwasgwch gledrau eich dwylo’n gadarn ar y llawr, yna ymestynnwch eich pengliniau’n ysgafn a chodwch eich cluniau i fyny ac edrychwch trwy’ch coesau. Beth ydych chi’n ei weld?

---

Ymestyn fel cath-buwch

Ewch ar eich dwylo a’ch pengliniau, cadwch eich dwylo ar wahân a’ch pengliniau wedi’u halinio â’ch dwylo.

Ar gyfer ystum buwch, gwnewch sain ‘mŵ’ mawr ac edrychwch ychydig i fyny.

Nesaf, gwnewch sain ‘miaw’ mewn ystum cath a dewch â’ch pen i lawr, plygu’ch gên i’ch brest, a throi eich cefn i fyny.

Newidiwch rhwng buwch a chath ychydig o weithiau.

---

Ymestyn fel pili-pala

Eisteddwch ar y llawr a phlygwch eich pengliniau a dewch â gwadnau eich traed at ei gilydd.

HolDaliwch eich traed gyda’ch dwylo a’u tynnu’n agos at eich bol.
Nawr gallwch fflapio’ch adenydd! Symudwch eich pengliniau i fyny ac i lawr yn ysgafn wrth ddal eich bysedd traed yn union fel glöyn byw yn hedfan yn yr ardd.

---

Ystum neidr

Gorweddwch ar eich bol. Rhowch eich cledrau’n gadarn ar y llawr, un ar bob ochr i’ch brest.

Nawr codwch eich pen a’ch brest yn araf, gan ymestyn i fyny fel neidr yn codi o’r glaswellt!
Gwnewch sain “hissss” hir wrth i chi ymestyn.

---

Ydych chi’n chwilio am syniadau symud dan do?

Mae ein ffrindiau yn Chwaraeon Met Caerdydd wedi creu rhestr chwarae o gemau y gallwch chi roi cynnig arnyn nhw mewn mannau bach gan ddefnyddio eitemau cartref:

Dewch o hyd i’r lliw gyda Llewelyn y Genhinen

Nid oes angen unrhyw offer ar gyfer y gweithgaredd hawdd hwn a gall fod yn gêm dda i’w chwarae dan do neu yn yr awyr agored. Mae Llewelyn wrth ei fodd yn chwarae hyn yn yr awyr agored lle mae llawer mwy o liwiau i’w harchwilio. Mae gwneud gweithgareddau awyr agored yn cefnogi lles corfforol a meddyliol plentyn sy’n tyfu. Mae’n ffordd wych i deuluoedd fwynhau natur gyda’i gilydd, gwella dysgu plant, yn ogystal ag annog symudiad.

Sut i Chwarae yn yr Awyr Agored:

1. Dewiswch lwybr cerdded diogel ar gyfer eich antur.
2. Gofynnwch i’ch plentyn ddewis lliw, er enghraifft glas. Rydych chi’n edrych o gwmpas ac yn dod o hyd i rywbeth glas ym myd natur.
3. TYna eich tro chi yw hi, dewiswch liw a gadewch i’ch plentyn ddod o hyd iddo.
4. Os oes gennych chi fwy o blant, gwnewch hi’n gêm grŵp, gall pawb ymuno!

Awgrymiadau Da!

• Ychwanegwch symudiadau hwyliog fel neidio, rhedeg, neu sgipio wrth chwilio am liwiau.
• Dechreuwch gyda lliwiau sylfaenol fel coch, glas, gwyrdd. Yn nes ymlaen, gallwch chi ei gwneud hi’n anoddach trwy ddod o hyd i wahanol arlliwiau.