Arferion iach ar gyfer yr hydref 

Cynhelir Wythnos Genedlaethol Hunanofal rhwng 18 a 24 Tachwedd 2024 yr hydref hwn. Rydym wedi llunio rhai gweithgareddau y gall rhieni a rhai bach eu gwneud gyda’i gilydd i gefnogi meddwl hapus ac iach.  

Mae ymwybyddiaeth ofalgar yn ymwneud â bod yn y foment bresennol, gall ein meddyliau fod yn aml yn y dyfodol neu yn y gorffennol ond anaml yn y presennol.  

Manteision ymwybyddiaeth ofalgar:   

• Mwy o ffocws a sylw   

• Cefnogi perfformiad academaidd a lles  

• Lleihau lefelau straen, gorbryder a chefnogi’r plentyn i reoli emosiynau cryf  

Gweithgaredd Ymwybyddiaeth Ofalgar i Oedolion  

Gweithgareddau Ymwybyddiaeth Ofalgar i’r Teulu 

Teithiau Natur  

Pan fyddwch allan ar daith gerdded, anogwch eich plant a’ch teulu i chwilio am… 

5 peth y gallaf eu gweld 

e.e. ‘Rwy’n gallu gweld cwmwl mawr’ 

4 peth y gallaf eu cyffwrdd  

3 pheth y gallaf eu clywed 

2 beth y gallaf eu harogli  

1 peth y gallaf ei flasu  

Dod â natur dan do: Paentio Wynebau  

Ar eich ymweliad nesaf â’r parc gofynnwch i’ch un bach gasglu llond llaw o ddail lliwgar a’u gwasgu y tu mewn i lyfr trwchus (neu wasg flodau os oes gennych un). Gallwch hefyd ddefnyddio petalau blodau sych; gwelsom fod petalau rhosyn yn edrych yn neis iawn ac yn cynnal y lliw gwreiddiol am amser hir. Ar ôl ychydig ddyddiau, dylai’ch dail gael eu sychu ac yn barod i’w defnyddio yn ein gweithgaredd paentio. 

Yn NYLO rydym wrth ein bodd yn annog chwarae blêr gyda bwyd i helpu plant i ddod yn gyfarwydd â bwydydd newydd y tu allan i amser bwyd, ond gall fod yn anodd i rai plant deimlo’n gyfforddus yn mynd yn flêr. Gall paentio fod yn brofiad cyffyrddol iawn i blant a gall helpu i fagu eu hyder wrth fynd yn flêr – mae’r gweithgaredd hwn yn wych i’w baru gydag antur hydrefol yn eich man gwyrdd lleol! 

Bydd angen y canlynol arnoch: 

Dail sych, ffyn  

Paent (mae dyfrlliw, paent posteri neu acrylig i gyd yn iawn) 

Brwshys 

Dŵr 

Papur a glud 

Sut i’w wneud: 

Gadewch i’ch un bach ddewis y lliw a chreu llun neu batrwm bach. 

Cofiwch anfon llun atom gyda’ch creadigaethau, am gyfle i gael ei gynnwys yn ein cylchlythyr nesaf. 

Coginio

Rholiau Bara Munchkin (rholiau pwmpen bach)  

Mae’r bara pwmpen bach hwn yn ategiad blasus i’n ryseitiau cawl cyflym a hawdd, yn barod ar gyfer nosweithiau oerach yr hydref. Gallwch ddod o hyd i lawer o ryseitiau iach yma: Ryseitiau Iach – Sgiliau Maeth am Oes®  

Cynhwysion (ar gyfer 4 o blant) 

Ar gyfer y rholiau 

 50g o flawd codi gwenith cyflawn 

50g o flawd codi gwyn 

25g o sbred llysiau 

Llond llaw bach o gaws wedi’i gratio 

1/4 llwy de o bowdr pobi 

Perlysiau cymysg sych (rydym yn argymell basil neu thyme) 

75 ml o ddŵr  

Dewisol – gallwch ychwanegu hadau pwmpen a hadau blodyn yr haul 

Ar gyfer y gorchudd “pwmpen” 

1 wy 

1 llwy de paprika neu turmeric  

Sut i’w wneud: 

Cynheswch y ffwrn ymlaen llaw i 180°C/marc nwy 6. 

Cymysgwch y cynhwysion sych yn gyntaf, ychwanegwch y sbred, caws, ac ar y diwedd, ychwanegwch ddŵr yn araf iawn nes bod gennych does meddal. Efallai na fydd angen i chi ddefnyddio’r holl ddŵr.  

Rhowch flawd ar yr wyneb a gwthio’r toes gyda’ch llaw a chreu cylchoedd bach. Cymerwch ddarn o linyn gwyn, rhywbeth cryf yn ddelfrydol na fydd yn toddi y tu mewn i’r ffwrn 

Torrwch ddarn o linyn tua 5mm o hyd. Cymerwch y pennau a’u dolennu dros y parsel i ffurfio croes ar ben, trowch eto a gwneud ychydig mwy o segmentau. Nid oes rhaid iddo fod yn berffaith, y cyfan sydd angen i chi ei wneud yw rhoi cynnig arni! Clymwch yn rhydd ar y pen a thrimiwch y pennau.  

Cymysgwch 1 melyn wy gyda’r paprika neu’r turmeric i roi lliw oren i’ch rholiau (os yw’r gymysgedd yn rhy drwchus, ceisiwch ychwanegu 1 llwy de o ddŵr).  

Brwsiwch dros y rholiau a’u rhoi ar hambwrdd â blawd arno.  

Pobwch am 15-20 munud neu tan eu bod yn euraidd. Ar ôl iddo oeri, tynnwch y llinyn gan ddefnyddio siswrn.  

Awgrym Da: beth am ychwanegu ychydig o naddion tsili am gic ychwanegol!