![](https://nylo.co.uk/app/uploads/2024/06/image-1-1024x456.png)
Mae’r haf yn golygu bod llawer mwy o gyfleoedd i fod allan yn yr awyr agored gyda’ch rhai bach. Parhewch i ddarllen i gael rhai syniadau ar sut i fanteisio ar y dyddiau heulog hynny i fwynhau chwarae gyda bwyd hefyd. Cofiwch beidio â gadael eich plentyn heb oruchwyliaeth tra’n gwneud unrhyw un o’r gweithgareddau hyn.
Gweithgareddau Coginio
Cwpanau letys gyda dip menyn cnau daear
Oeddech chi’n gwybod y gellir cynnwys menyn cnau daear llyfn mewn byrbryd fel ffynhonnell o brotein i helpu’ch un bach i adeiladu cyhyrau cryf?
Mae’r cwpanau letys hyn yn mynd yn berffaith gyda’r dip cnau daear hwn a gall eu creu fod yn weithgaredd llawn hwyl sy’n cynnwys y plant.
![](https://nylo.co.uk/app/uploads/2024/06/image-1-1024x683.jpeg)
Cwpanau letys
Cynhwysion
- Letys gem bach
- Cwinoa neu nwdls reis wedi’u coginio
- Tomato bach, wedi’i dorri’n chwarteri
- Tiwna neu gyw iâr wedi’i goginio
- Shibwns, wedi’u torri’n fân neu eu sleisio
- Pupurau, wedi’u torri’n fân neu eu sleisio
- Ciwcymbr, wedi’i dorri’n fân neu ei sleisio
Sut i’w creu:
- Golchwch a draeniwch yr holl lysiau.
- Torrwch y tomato, shibwns, pupurau a’r ciwcymbr (Torrwch y tomato yn chwarteri ar eu hyd i leihau’r siawns o dagu).
- Rhwygwch y cyw iâr yn ddarnau llai â llaw.
- Cymerwch gwpan letys ac anogwch y plant i ychwanegu llwyaid o wahanol fwydydd i greu eu cwpan letys eu hunain.
- Gweinwch gyda’r saws dipio isod.
Beth gall y plant ei wneud
- Golchi’r llysiau
- Torri’r llysiau
- Torri’r cyw iâr
- Rhoi’r cwpan letys at ei gilydd
Sgiliau
- Golchi
- Torri
- Cydgysylltu rhwng y dwylo a’r llygaid
Saws dipio menyn cnau daear
Cynhwysion
![](https://nylo.co.uk/app/uploads/2024/06/image-683x1024.jpeg)
- 1 llwy fwrdd fawr o fenyn cnau daear
- Sudd hanner leim
- 1 llwy de o sinsir wedi’i falu
- 1 ewin garlleg, wedi’i wasgu (neu wedi’i dorri’n fân)
- 2-4 llwy fwrdd o ddŵr
Offer
- Llwyau mesur
- Gwasgwr garlleg (neu defnyddiwch gyllell)
- Powlen gymysgu
- Llwy/chwisg
Sut i’w creu:
- Cyfunwch y menyn cnau daear, sudd leim a’r garlleg mewn powlen gymysgu.
- Cymysgwch/chwipiwch y cynhwysion gyda’i gilydd i greu pâst.
- Ychwanegwch un llwy fwrdd o ddŵr ar y tro at y pâst i’w wneud yn fwy llyfn nes ei fod y tewychedd a ddymunir.
Beth gall y plant ei wneud
- Cymysgu cynhwysion
- Ychwanegu cynhwysion
Sgiliau
Cymysgu
Ychwanegu
Cyfrif
Cydgysylltu rhwng y dwylo a’r llygaid
Gweithgaredd
Daliwr Haul Gwydr Lliw o Basta
![](https://nylo.co.uk/app/uploads/2024/06/image-2.png)
Offer
- Dalennau lasagne sych
- Pinnau ffelt
- Glud
- Bagiau rhewgell clir
Sut i’w creu:
- Rhowch ychydig o ddalennau lasagne mewn bag rhewgell a’u torri’n ddarnau bach fel yn y llun uchod.
- Tynnwch y darnau bach allan o’r bag yn ofalus a’u lliwio gyda phinnau ffelt o liwiau gwahanol.
- Gyda chymorth oedolyn, torrwch 2 ochr y bag rhewgell gwag i greu arwyneb gwastad.
- Ar ôl sychu, gallwch chi ludo’r darnau ar 1 ochr y bag rhewgell i greu eich patrymau.
- Ar ôl gorffen, gludwch y 2 ochr i lawr ac mae’n barod i’w osod â Selotep ar y ffenestr. Gwyliwch i weld sut mae’n edrych pan fydd yr haul yn tywynnu ar eich gwydr lliw.
Helfa’r Enfys
![](https://nylo.co.uk/app/uploads/2024/06/image-7-1024x271.png)
Offer:
- Cerdyn
- Pin ffelt / Papur lliw gwahanol
- Pegiau / Glud / Selotep
Sut i’w creu:
- Gyda chymorth oedolyn, torrwch bapur lliw gwahanol yn betryalau a’u gludo ar gerdyn neu ddarn o bapur. Fel arall, gallwch chi dynnu llun sgwâr a defnyddio pinnau ffelt i liwio’r blychau yn sawl lliw gwahanol.
- Yn dibynnu ar yr hyn sydd gennych chi yn y tŷ, gallwch chi gysylltu peg i bob lliw, neu fynd â ffon glud/Selotep gyda chi i ludo’r eitemau rydych chi’n dod o hyd iddyn nhw.
- Rydych chi bellach yn barod i fynd am dro – ceisiwch weld faint o eitemau gwahanol y gallwch chi ddod o hyd iddynt sy’n cyfateb i’r lliwiau hynny.
Awgrym Da! Gallwch dorri’r stribed lliw a’i droi’n fand y gellir ei wisgo o amgylch arddwrn eich plentyn.
Creu gardd fwytadwy
Mae ymchwil wedi dangos bod plant yn fwy tebygol o roi cynnig ar fwyta bwyd y maent yn rhan o’i baratoi. Beth am geisio creu eich gardd fwytadwy eich hun gyda’r plant fel y gallant ddysgu o ble mae bwyd yn dod? Gwyliwch wrth iddynt flodeuo’n arddwyr ifanc a meithrin y planhigion a byd natur.
- Dewis lle ar gyfer yr ardd
- Gallai hyn fod yn ardal yn yr ardd, neu hyd yn oed drwy greu tŷ gwydr wrth ffenestr.
- Mae hwn yn gyfle da i’r plant ddysgu am olau’r haul, pridd a thechnegau dyfrio. Gallant hefyd helpu i osod planwyr neu randir bach.
2. Dewis y planhigyn cywir
- Byddai dechrau gyda phlanhigion hawdd i’w tyfu yn ddelfrydol i gadw’r plant yn brysur a sicrhau nad ydynt yn colli diddordeb.
- Dyma rai syniadau:
Perlysiau: basil, rhosmari, persli, cennin syfi, teim neu ferwr
Llysiau: tomatos, cêl, moron, radis
Awgrym da! Beth am roi cynnig ar ein pennau berwr NYLO sydd i’w gweld yma Rhiant / Gofalwr – NYLO