Cynhwysion

• 4 llwy de o biwrî tomato
• 4 llwy fwrdd o gaws wedi’i gratio
• Dewis o ychwanegion: Cyw iâr wedi’i goginio a’i dorri, pupur wedi’u sleisio, winwns wedi’u torri’n fân, corn melys, madarch wedi’u sleisio, darnau pîn-afal, naddion tiwna o dun (mewn dŵr ffynnon)

Offer

Bwrdd torri, cyllell, llwy de, gratiwr, llwy fwrdd, agorwr tun, hambwrdd pobi

Cyn i chi ddechrau

• Torrwch y myffins yn hanner
• Paratowch yr ychwanegion
• Gratiwch y caws

Sut i’w greu

1. Cynheswch y ffwrn i 200oC / ffan 180oC / Marc Nwy 4.
2. Taenwch lwy de o biwrî tomato dros bob hanner o’r myffins
3. Gwasgarwch lwy fwrdd o gaws wedi’i gratio dros bob hanner o’r myffins.
4. Gosodwch yr ychwanegion o’ch dewis. I’w wneud yn hwyl, gallwch greu wyneb neu batrwm gyda’r ychwanegion
5. Rhowch y pitsas bach ar hambwrdd pobi a’u rhoi ar silff ganol y ffwrn.
6. Coginiwch am 10 – 15 munud, hyd nes bod y caws wedi toddi a bod y myffins wedi’u tostio’n ysgafn.

Beth y gall eich plentyn ei wneud

• Taenu’r piwrî tomato dros hanner y myffin
• Gwasgaru’r caws wedi’i gratio
• Helpu i dorri’r ychwanegion
• Gosod yr ychwanegion o’u dewis. Gallant hefyd greu wyneb neu batrwm gyda’r ychwanegion o’u dewis

Sgiliau

• Taenu, torri

Cynhwysion

Detholiad o ffrwythau fel grawnwin, aeron (mefus, mafon, llus, mwyar duon), ciwi, darnau pîn-afal, satswma (unrhyw oren bach), mango, melon

Offer

Hidlwr, bwrdd torri, cyllell, piliwr, tröydd coffi

Cyn i chi ddechrau

• Golchwch y ffrwythau
• Tynnwch y coesyn o’r mefus
• Piliwch a thynnwch y garreg o’r mango
• Sleisiwch y melon yn siapau cylch
• Piliwch y ffrwythau ciwi

Sut i’w greu

1. Paratowch y ffrwythau
   a) Sleisiwch y darnau grawnwin ar eu hyd
   b) Sleisiwch a hanerwch y darnau ciwi
   c) Piliwch a gwahanwch y satswma
   d) Torrwch y mango yn giwbiau
   e) Torrwch y melon yn giwbiau
2. Gwthiwch y ffrwythau ar y tröydd coffi yn nhrefn lliwiau’r enfys

Dangos i’r plant

• Sut i baratoi ffrwythau (e.e. defnyddio dull y ‘bont’ i dorri’r mefus a’r ciwi yn hanner)
• Sut i dynnu croen y ffrwyth ciwi gyda philiwr, os ydych chi’n defnyddio ciwi
• Sut i roi’r ffrwythau ar y tröydd coffi

Beth y gall y plant ei wneud (gyda chymorth oedolyn):

• Torri’r ffrwythau
• Pilio’r ffrwythau ciwi
• Gwthio’r ffrwythau ar y tröydd

Sgiliau

• Torri, pilio, gwthio

Syniadau ac Awgrymiadau

• Gellir defnyddio ffrwythau tun mewn sudd naturiol hefyd, fel pîn-afal ac eirin gwlanog o dun
• Beth am ei weini’n gynnes gan ei roi o dan y gril am ychydig funudau, ei droi unwaith a’i weini gydag iogwrt naturiol

Cynhwysion

• 1 wrap tortilla meddal
• Iogwrt plaen – 2 lwy bwdin fesul tortilla
• Detholiad o ffrwythau e.e. melon, oren bach (clementin, mandarin, satswma), mefus, llus, bananas, afalau, pîn-afal ac ati

Offer

Bwrdd torri, plât, hidlwr, llwy bwdin, cyllell llysiau, gratiwr, teclynnau torri bach, llwy de

Cyn i chi ddechrau

• Golchwch y ffrwythau na fyddwch chi’n tynnu eu croen
• Piliwch a thorrwch y melon yn sleisiau crwn fflat
• Torrwch yr afalau yn chwarteri a thynnwch y craidd
• Tynnwch y coesyn o’r mefus

Sut i’w greu

1. Rhowch y wrap tortilla ar blât

2. Paratowch y ffrwythau:

a. Torrwch amrywiaeth o siapiau yn y sleisiau melon (h.y. cylchoedd ar gyfer llygaid) gan ddefnyddio’r teclyn torri

b. Piliwch yr orenau a thynnwch y segmentau oddi wrth ei gilydd

c. Torrwch y mefus yn sleisiau/haneri

d. Tynnwch groen y fanana a’i thorri

e. Gratiwch yr afal

3. Taenwch yr iogwrt ar y tortilla gan ddefnyddio cefn llwy de

4. Trefnwch y ffrwythau ar y tortilla gan greu siâp ‘wyneb’, er enghraifft

a. Gwallt – afal wedi’i gratio

b. Llygaid – cylchoedd melon neu sleisiau banana gyda llusen yn y canol

c. Clustiau a thrwyn – sleisiau mefus neu segmentau oren

d. Ceg – gwên o lus neu segmentau oren

5. I’w fwyta, naill ai torrwch ef yn chwarteri, neu ei rolio i mewn i wrap a’i dorri’n hanner

6. Gweinwch ef ar unwaith

Dangos i’r plant

• Sut i baratoi ffrwythau (e.e. defnyddio dull y ‘bont’ i dorri’r mefus a’r ciwi yn hanner)
• Sut i dynnu croen y ffrwyth ciwi gyda philiwr, os ydych chi’n defnyddio ciwi
• Sut i roi’r ffrwythau ar y tröydd coffi

Beth y gall y plant ei wneud (gyda chymorth oedolyn):

• Golchi’r ffrwythau heb groen, gan ddefnyddio’r hidlwr
• Torri’r siapiau melon gan ddefnyddio’r teclyn torri
• Pilio’r oren bach a thynnu’r segmentau oddi wrth ei gilydd
• Torri’r mefus yn eu hanner gan ddefnyddio dull y ‘bont’
• Pilio a sleisio’r fanana gan ddefnyddio dull y ‘bont’
• Gratio’r afal
• Taenu’r iogwrt gyda chefn llwy de
• Trefnu’r ffrwythau mewn siâp ‘wyneb’

Sgiliau

• Torri, pilio, gwthio

Syniadau ac Awgrymiadau

• Add some herbs or other flavours i.e. beetroot, grated carrot, pea
• Serve with pita bread and vegetable fingers i.e. carrots, peppers, cucumber

Cynhwysion

• Craceri
• Hwmws, caws hufen, guacamole neu biwrî tomato
• Ychwanegion o’ch dewis er enghraifft pupurau wedi’u torri, corn melys o dun, moron wedi’u gratio, mefus wedi’u sleisio, grawnwin wedi’u haneru, llus ac ati

Offer

Bwrdd torri, cyllell llysiau, llwy de

Cyn i chi ddechrau

• Golchwch y ffrwythau a’r llysiau a ddewiswyd
• Paratowch y cynhwysion ar gyfer yr ychwanegion a’u rhoi yn y powlenni (gall y plant helpu i baratoi’r rhain)

Sut i’w greu

1. Ewch â llwy de o’r hwmws neu’r caws hufen a, gan ddefnyddio cefn y llwy de, taenwch ef dros y gracer
2. Rhowch yr ychwanegion a baratowyd ar y craceri mewn dyluniad o’ch dewis!

Beth y gall y plant ei wneud (gyda chymorth oedolyn):

• Helpu i dorri’r ychwanegion
• Taenu’r haen waelod gyda chefn llwy de
• Gosod yr ychwanegion ar y gracer

Sgiliau

• Torri, taenu, addurno

Syniadau ac Awgrymiadau

• Gofynnwch i’ch plentyn dynnu llun o ddyluniad ymlaen llaw
• Ceisiwch wneud wyneb anifail, patrymau gwahanol neu gerbyd hyd yn oed!
• Beth am roi cynnig ar ddefnyddio craceri o fath neu siâp gwahanol

Cynhwysion

• 1 x can 400g o ffacbys, wedi’u draenio a’u rinsio
• 1-2 ewin garlleg
• Sudd 1 lemwn
• 3 llwy fwrdd o iogwrt plaen
• 50ml o ddŵr oer (os oes angen)
• Pupur du

Offer

Powlen gymysgu, agorwr tun, hidlwr, stwnsiwr tatws neu fforc, chwalwr garlleg, gwasgwr lemwn, llwy fwrdd a llwy de

Cyn i chi ddechrau

• Agorwch a draeniwch y tun o ffacbys

Sut i’w greu

1. Rhowch y ffacbys i mewn i’ch powlen gymysgu a’u stwnsio gyda’r stwnsiwr tatws nes bod pâst garw’n cael ei ffurfio.
2. Piliwch yr ewinedd garlleg a’u gwasgu gyda’r chwalwr garlleg. Ychwanegwch hwn at y pâst ffacbys.
3. Sleisiwch y lemwn yn ei hanner a gwasgwch bob hanner i mewn i gymysgedd y ffacbys.
4. Ychwanegwch 3 llwy fwrdd o iogwrt plaen a phinsiad o bupur du a’i droi’n dda.

Show the children

• How to prepare fruit (e.g. using the ‘bridge’ to the cut strawberries and kiwi in half)
• How to peel the kiwi fruit with a peeler if using kiwi
• How to thread the fruit onto the coffee stirrers

Beth y gall y plant ei wneud (gyda chymorth oedolyn):

• Helpu i stwnsio’r ffacbys
• Malu’r ewinedd garlleg
• Helpu i sleisio a gwasgu’r lemon
• Sgwpio ac ychwanegu’r iogwrt plaen
• Ychwanegu pinsiad o bupur du

Skills

• Cutting, peeling, threading

Syniadau ac Awgrymiadau

• Ychwanegwch ychydig o berlysiau neu flasau eraill h.y. betys, moron wedi’u gratio, pys
• Gweinwch ef gyda bara pita a bysedd llysiau h.y. moron, pupur, ciwcymbr

Beth fydd ei angen arnoch i ddechrau arni:

• Pasta sbageti
• Amrywiaeth o diwbiau pasta a siapiau pasta gwahanol sydd â thwll yn eu canol fel penne, macaroni, rigatoni, cannelloni, siâp olwyn (rotelle), neu siapiau cymeriadau
• Lliw bwyd gwahanol (dewisol os ydych yn lliwio’r pasta)
• Finegr (dewisol os ydych yn lliwio’r pasta)
• Toes
• Glanhawyr pibelli, gwellt neu sbageti (gwlân, cortyn, careiau ar gyfer plant hŷn)
• Bagiau rhewgell ailseliadwy neu gynhwysydd â chlawr seliadwy

Sut i’w greu:

1. Er mwyn lliwio eich pasta, rhowch dalp o liw bwyd a llwy de o finegr mewn bag ailseliadwy/cynhwysydd, a’u cymysgu.
2. Ychwanegwch y pasta a cheisio ei orchuddio gyda’r lliw. Gofynnwch i’ch plentyn symud y pasta yn y bag plastig yn araf, neu ysgwyd y cynhwysydd fel bod y lliw yn gorchuddio’r pasta i gyd.
3. Os nad yw’r lliw wedi gorchuddio’r pasta i gyd neu os ydych chi eisiau lliw mwy llachar, gallwch ychwanegu llwy de arall o finegr neu fwy o liw bwyd.
4. Rhowch y pasta gyda’r lliw arno ar hambwrdd neu hambwrdd pobi a’i adael i sychu. Yn ddelfrydol dros nos, ond dylai sychu o fewn ychydig oriau.
5. Defnyddiwch un lliw, neu sawl lliw, y cyfan sydd angen i chi ei wneud yw ailadrodd camau 1 – 4 ond gyda lliw bwyd gwahanol!

Gweithgareddau ar gyfer babanod 12 mis – 2 flwydd oed:

1. Gwnewch siapiau peli o’r toes ar hambwrdd neu ar ben bwrdd, a’u gwasgu ychydig.
2. Rhowch y pasta sbageti yn y toes, neu gallech ddefnyddio gwelltyn, a sicrhewch ei fod yn sownd. Rhowch y siapiau pasta i’ch plentyn er mwyn iddo fynd ati i greu cadwyni!
3. Efallai y byddai’n well defnyddio’r tiwbiau mwy o basta gyda phlant ifancach, yna wrth iddynt ddod yn gyfarwydd â’r gweithgaredd, gallent symud i ddefnyddio’r darnau llai o basta
4. Cadwch y pasta mewn cynhwysydd y gellir ei selio’n dynn, a’i ddefnyddio dro ar ôl tro!

Gweithgareddau ar gyfer babanod 2 – 5 mlwydd oed:

• Wrth i’ch plentyn dyfu gallech symud ymlaen i ddefnyddio darn hir o wlân (neu ruban, cortyn neu garrai) i wneud cadwyni neu freichledau pasta! Mae’n well lapio ychydig o dâp gludiog o amgylch gwaelod y gwlân gan y bydd hyn ei gwneud yn haws creu’r cadwyni, oherwydd bydd y gwlân yn mynd yn hawdd drwy’r tyllau yn y siapiau pasta.

Bydd eich plant bach wrth eu boddau yn chwarae gyda reis heb ei goginio, mae’n gynhwysyn amrywiol y gellir ei ddefnyddio mewn sawl ffordd wahanol – dro ar ôl tro. Gallwch ddefnyddio’r reis fel ag y mae, neu gallwch ei liwio’n wahanol liwiau’r enfys, neu hyd yn oed ychwanegu sawrau gwahanol – a fydd yn datblygu dychymyg a phrofiad synhwyraidd eich plentyn hyd yn oed yn fwy!

Beth bydd eich angen arnoch:

• Bag mawr o reis
• Bagiau plastig ailseliadwy
• Lliw bwyd mewn amrywiaeth o liwiau gwahanol
• Finegr (dewisol)
• Hambwrdd
• Cynhwysydd mawr

Sut i liwio eich reis

1. Rhannwch y reis rhwng y bagiau seliadwy.
2. Ychwanegwch ychydig ddiferion o bob lliw rydych yn ei ddefnyddio i bob bag o reis.
3. Seliwch y bag a’i ysgwyd i ddosbarthu’r lliw. Mae hyn yn rhywbeth y bydd eich plentyn yn mwynhau ei wneud!
4. Gallwch ychwanegu llwyaid o finegr, oherwydd gall hyn helpu’r lliw i bara’n hirach.
5. Lledaenwch y reis ar hambwrdd i sychu – dylai fod yn sych o fewn ychydig oriau.

Unwaith y bydd y reis yn sych, arllwyswch i mewn i gynhwysydd mawr neu bowlen fas a rhowch gynnig ar y gweithgareddau gwahanol hyn! Os ydych yn defnyddio cynhwysydd llai o faint, gallai fod yn syniad rhoi lliain neu fat chwarae oddi tano i gadw’r reis mewn un lle!

Gweithgareddau ar gyfer babanod 12 mis – 2 flwydd oed

• Os ydych yn defnyddio lliwiau gwahanol gallech eu trefnu mewn patrwm neu gymysgu’r lliwiau gyda’i gilydd.
• Rhowch gynnig ar sgwpio ac arllwys y reis gan ddefnyddio offer gwahanol fel powlenni llai, twndish, llwyau, tiwbiau neu hambyrddau ciwbiau iâ i sgwpio. Bydd eich plentyn wrth ei fodd yn gweld y reis yn ‘symud’ ac yn llifo.
• Anogwch eich plentyn i roi ei ddwylo yn y reis i deimlo siapiau a gweadau gwahanol y reis.
• Ceisiwch guddio darnau o bosau neu ddarnau’r wyddor yn y reis i’ch plentyn ddod o hyd iddynt, a bydd hyn yn ei wneud yn fwy o hwyl roi’r pos yn ôl at ei gilydd.
• Gallech gael te parti reis! Rhowch y reis mewn tebot chwarae ac arllwyswch i gwpanau fel rhan o de parti gyda theganau eraill.
• Ychwanegwch deganau anifeiliaid, deinosoriaid neu unrhyw greaduriaid eraill i’r reis – gallech naill ai eu cuddio er mwyn i’ch plentyn chwilio drwy’r reis i’w canfod, neu chwarae gyda nhw yn unig.
• Defnyddiwch gloddwyr neu dryciau bach eich plentyn i balu’r reis ac esgus ei fod yn safle adeiladu.
• Gallech gadw’r reis yn y bagiau hefyd i’ch plentyn chwarae gyda nhw – byddant yn dwli gallu teimlo’r reis drwy’r bagiau.
• Gallech ychwanegu sawr i’r reis hefyd. Gellir defnyddio lemwn neu oren wedi’i wasgu i mewn i’r reis yn ogystal â’r lliw bwyd, neu berarogl naturiol neu hyd yn oed perlysiau.

Gweithgareddau ar gyfer babanod 2 – 5 mlwydd oed

• Gwnewch weithgareddau crefft gyda’ch reis enfys – defnyddiwch gerdyn neu bapur plaen a lliw a glud – defnyddiwch y rhain i greu enfysau lliwgar gyda reis o bob lliw, neu gallech wneud angenfilod neu greaduriaid reis.

Syniadau ac Awgrymiadau

• Gallech ddefnyddio pasta sych yn lle Gall hyn fod yn ffordd dda o ddechrau cyflwyno eich plentyn i weadau gwahanol.
• Defnyddiwch basta o siapiau gwahanol fel penne (tiwbiau), fusilli (troellau), conchiglie (cregyn), farfalle (clymau) a’u hychwanegu i gynhwysydd o faint canolig/mawr.
• I wneud pethau ychydig yn fwy heriol, gallech guddio gwrthrychau bach yn y pasta i’ch plentyn ddod o hyd iddynt, fel teganau neu bosau bach.
• Unwaith y bydd eich plentyn wedi gorffen chwarae â’r pasta, gellir ei storio mewn cynhwysydd i’w ailddefnyddio.
• Pan fydd eich plentyn yn gyfforddus â gweadau sych, fel pasta a reis, gall symud ymlaen at weadau mwy gwlyb – fel sbageti wedi’i goginio, ceirch gwlyb.
• Mae ambell fath o basta yn dod mewn lliwiau gwahanol, y gallech roi cynnig arnynt hefyd, neu edrychwch ar ein ffilm creu cadwyni pasta ar sut i liwio pasta!

Gellir chwarae gyda cheirch gyda phlant o 6 mis oed ac yn hŷn fel gweithgaredd synhwyraidd a datblygiadol.

Beth fydd ei angen arnoch:

• Ceirch Uwd
• Hambwrdd neu gynhwysydd bas

Pethau ychwanegol dewisol:

• Twmffat
• Jwg
• Powlenni
• Biceri
• Llwyau
• Cloddwyr a cheir
• Set de
• Blociau mega
• Dŵr (dewisol ar gyfer chwarae gwlyb)

Sut i’w wneud:

1. Arllwyswch y bag o geirch uwd i mewn i hambwrdd a gadewch i’ch plentyn fynd at i chwarae. Rhowch amser iddo archwilio gwead y ceirch sych gyda’i ddwylo.
2. Ar gyfer archwiliad hwyliog pellach, cynigiwch amrywiaeth o wrthrychau iddo sy’n annog sgwpio, arllwys, cloddio ac ati. Gallech hyd yn oed roi hoff deganau eich plentyn bach yno. Fel cloddiwr neu set o geir, set de, blociau mega ac ati.
3. Gallech chi hefyd gyflwyno’ch plentyn i ‘chwarae gwlyb’ trwy ychwanegu ychydig o ddŵr at y ceirch. Tynnwch ychydig o geirch o’ch hambwrdd i bowlen ar wahân ac ychwanegwch ychydig o ddŵr yn raddol gyda llwy neu jwg.
4. Gadewch iddo chwarae ac archwilio pob lefel o wead, o geirch sych i rai gludiog a gwlyb. Os oes gennych unrhyw fowldiau neu dorwyr cwci, gallai eich plentyn bach gael hwyl yn gwneud siapiau gwahanol pan fydd y ceirch yn wlyb ac yn ludiog.

Beth gall eich plentyn bach ei wneud:

• Mesur, pwyso, cyfrif, sgiliau echddygol manwl

Syniadau ac awgrymiadau

• Gofynnwch i’ch plentyn gymryd llond llaw o geirch a chyfrif nifer y ceirch sydd ganddo yn ei law – gall hyn fod yn fwy addas i blant dros 2 oed.

Mae tyfu o hadau yn ffordd wych o ddysgu’ch plentyn o ble mae bwyd yn dod. Mae’r broses o blannu hedyn mewn pridd, gan ofalu amdano wrth iddo dyfu’n rhywbeth y gallwch chi ei fwyta, yn rhywbeth hudolus i blant ifanc fod yn rhan ohono. Mae’n bwysig eich bod yn dechrau gyda hadau sy’n tyfu’n weddol gyflym – felly mae’n cadw eu diddordeb ac yn rhoi profiad cadarnhaol o arddio iddynt. Mae plentyn hefyd yn fwy tebygol o roi cynnig ar fwyd newydd y mae wedi’i dyfu ei hun. Nid oes angen mynediad i ardd i dyfu – y cyfan sydd ei angen arnoch yw compost / pridd, rhywbeth i’w dyfu ynddo a chan dyfrio!

Offer

• Hadau berwr (gallwch gael y rhain o ganolfan arddio)
• Plisgyn ŵy gwag, pot iogwrt neu gwpan papur
• Pinnau ffelt neu frwshys paent a phaent
• Papur cegin
• Gwlân cotwm
• Dŵr
• Llwy de

Sut i’w wneud

1. Addurnwch y plisgyn ŵy gwag, y pot iogwrt neu’r cwpan papur gan ddefnyddio’r pennau ffelt neu’r paent a’r brwshys paent. Gallech chi a’ch plentyn dynnu llun wynebau doniol felly pan fydd y berwr yn tyfu bydd yn edrych fel gwallt gwyrdd
2. Gwlychwch ychydig o bapur cegin a’i roi ar waelod y plisgyn ŵy, pot iogwrt neu gwpan papur
3. Yna ewch ati i wlychu ychydig o wlân cotwm a gosod hwn ar ben y papur cegin. Gadewch fwlch bach (tua 2 – 3cm) rhwng y gwlân cotwm a phen y plisgyn ŵy, pot iogwrt neu gwpan papur
4. Rhowch lwy de o hadau’r berwr yn gyfartal dros y gwlân cotwm gwlyb. Gwasgwch nhw i lawr yn ysgafn gyda blaenau eich bysedd
5. Rhowch mewn lle cynnes sy’n cael digon o olau haul, fel silff ffenestr, i dyfu
6. Ychwanegwch ychydig o ddŵr bob dydd i wneud yn siŵr bod y gwlân cotwm yn aros yn llaith. Dylai’r berwr dyfu mewn 7-10 diwrnod
7. Pan fydd y berwr wedi tyfu tua 10cm, torrwch ef gyda phâr o siswrn a’i ychwanegu at frechdan neu rysáit quesadilla.

Syniadau ac awgrymiadau

• Dysgwch beidio â gorddyfrio
• Defnyddiwch gynwysyddion anarferol fel hen sgidiau (y gallwch chi eu paentio) potiau te, hen sosbenni, hen deiar, cwpanau te

Beth fydd ei angen arnoch:

• Sbageti wedi’i goginio a’i oeri
• Lliw bwyd – cynifer o liwiau gwahanol ag yr hoffech
• Hambwrdd mawr
• Amrywiaeth o fodelau bwyd/teganau bach
• Bwced neu gynhwysydd bach
• 3-4 powlen a marciwr parhaol

Cyn i chi ddechrau:

• Coginiwch ac oerwch y sbageti
• Casglwch amrywiaeth o deganau bach
• Os ydych yn defnyddio cerrig bychain, rhifwch nhw o 1-10

Sut i’w greu:

1. Rhowch tua 8 diferyn o bob lliw bwyd mewn powlenni ar wahân ac ychwanegu dognau hafal o sbageti wedi’i goginio a’i oeri i’r powlenni.
2. Arllwyswch eich sbageti ar arwyneb i’w sychu.
3. Unwaith iddo sychu, arllwyswch ef i mewn i fwced neu gynhwysydd ac ychwanegu’r cerrig bychain neu’r teganau.

Sgiliau a ddefnyddir

• Arllwys, cymysgu, cyfrif, sgiliau echddygol manwl

Syniadau ac awgrymiadau

• Rhowch gynnig ar flasu darnau o sbageti sydd wedi’u coginio a’u lliwio – bydd hyn yn helpu i gyflwyno gweadau newydd i blant.
• Anogwch y plant i gymryd rhan trwy ofyn iddynt gymysgu’r lliw bwyd gyda’r sbageti sydd wedi’i oeri a chasglu teganau bach iddynt ddarganfod yn y mwydod sbageti.
• Os yw’r sbageti’n troi’n rhy sych neu’n ludiog, gwnewch yn siŵr fod gennych ddŵr wrth law i’w roi ar y pasta i’w helpu i aros yn feddal ac yn llithrig.
• Gwnewch yn siŵr bod y cerrig bychain neu’r teganau yn rhy fawr i’w llyncu.
• Gallwch ymarfer eich sgiliau cyfrif ac enwi drwy gyfri’r holl deganau/cerrig bychain rydych chi wedi’u canfod a defnyddio geiriau disgrifio ar gyfer pob tegan.

Beth fydd ei angen arnoch:

• 1 cwpan o Flawd
• 1 cwpan o Ddŵr
• 1/2 cwpan o Halen
• 2 lwy de o Hufen Tartar
• 1 llwy fwrdd o Olew Llysiau
• 2 lwy de o liw bwyd
• Cwpan
• Llwy fwrdd
• Llwy de
• Sosban
• Powlen gymysgu
• Chwisg
• Reis
• Rhiniau bwytadwy e.e. mintys, oren

Sut i’w greu

1. Anogwch eich plentyn i’ch helpu i fesur eich cynhwysion sych a’u harllwys i mewn i’ch sosban.
2. Ychwanegwch 1 llwy fwrdd o olew i’r cynhwysion sych.
3. Mewn llestr ar wahân, cyfunwch y lliw bwyd a’r dŵr, un ar gyfer pob lliw rydych chi’n dymuno ei ddefnyddio. Ychwanegwch eich dŵr lliw i’ch sosban o gynhwysion sych.
4. Rhowch gyfle i’ch plentyn i helpu gyda chwipio eich cynhwysion cyn cynhesu’r gymysgedd i gael gwared ar unrhyw lympiau neu gyfuno’r holl gynhwysion.
5. Coginiwch ef dros wres canolig, gan barhau i’w gymysgu tan iddo droi’n dalp trwchus.
6. Rhowch y toes chwarae ar arwyneb glân a’i dylino nes ei fod yn llyfn.

Beth y gall y plant ei wneud (gyda chymorth oedolyn)

• Mesur y cynhwysion sych
• Mesur, arllwys a chymysgu’r lliw bwyd a’r dŵr
• Cyfuno a chwipio cynhwysion sych a gwlyb
• Troi’r gymysgedd
• Tylino’r toes unwaith iddo oeri

Sgiliau

• Mesur, arllwys, chwipio, tylino

Syniadau ac awgrymiadau

• Gallwch chi bob amser ddefnyddio dŵr oer yn hytrach na choginio ar y stôf. Cymysgwch ef tan iddo ffurfio pelen lyfn o does chwarae.
• Bydd y toes yn para am ychydig wythnosau mewn cynhwysydd y gellir ei selio’n dynn neu fag ‘zip-lock’.
• Gan ddefnyddio glanhawyr pibell/gwellt a llygaid siglog, gallwch droi eich peli toes yn fwystfilod toes.
• Gallwch chi hefyd greu rhai peli toes newydd gydag aroglau naturiol, lliw a gweadau ychwanegol, er enghraifft: ychwanegu ambell lwy de o groen sitrws wedi’i gratio neu fwyar wedi’u stwnshio (ffres neu wedi’u dadrewi) i’r toes yn y camau olaf. Gallwch chi hyd yn oed ychwanegu rhai perlysiau a sbeisys neu riniau bwytadwy fel fanila neu fintys.